लामोसमयदेखि खाली रहेको वन तथा वातावरण मनत्रालयको जिम्मा नेपाली काँग्रेसका भेषवहादुर पौडेलले सम्हाल्ने भएका छन् । मुख्यमन्त्री सुरेन्द्रराज पाण्डेले सोमबार पौेडेललाई मन्त्री नियुक्त गरेका हुन् । पौडेल मन्त्री भएसंगै गण्डकी प्रदेश सरकारले पूर्णता पाएको छ । पौडेललाई सोमबार नै शपथ लिने तयारी छ ।
मनाङबाट निर्वाचित स्वतन्त्र सांसद राजीव गुरुङ (दीपक मनाङे)ले उक्त मन्त्रालय छोडेपछि मुख्यमन्त्री पाण्डेले नै मन्त्रालय सम्हाल्दै आएका थिए । सत्ता गठबन्धनमा भएको फेरबदलपछि भौतिक मन्त्री रहेका मनाङेलाई वन मन्त्रालयको जिम्मेवारी दिइएको थियो । मनाङेले असन्तुष्टि जनाउँदै राजीनामा दिएका थिए । गण्डकीमा अहिले नौ मन्त्रालय छन् । मुख्यमन्त्रीसहित कांग्रेस र एमालेले ४–४ मन्त्रालय लिएको छन् भने नेपाल समाजवादी पार्टीबाट एक जना मन्त्री छन् ।
