गण्डकी प्रदेशमा उद्योगको क्षमता उपयोग प्रतिशत जम्मा ३९ रहेको छ । आर्थिक वर्ष २०८०–८१ मा गण्डकी प्रदेशमा संचालनमा रहेको उद्योगको क्षमता ३९ दशमलव २ प्रतिशत रहेको छ । अघिल्लो आर्थिक वर्षको सोही अवधिको तुलनामा यो ३ दशमलव २ प्रतिशतले कम हो ।
राष्ट्र बैंकको वार्षिक आर्थिक गतिविधि अध्ययनले देखाए अनुसार आर्थिक वर्ष २०८० र ८१ मा गण्डकी प्रदेश अन्तर्गतका नमुना छनोटमा समेटिएका १४ उद्योगको औसत क्षमता उपयोग गत वर्षको सोही अवधिको तुलनामा ३२ प्रतिशत बिन्दुले घटेर ३९.२ प्रतिशत कायम भएको
यस प्रदेशमा औसत क्षमता उपयोग भन्दा बढी उत्पादन क्षमता भएका उद्योगमा बिस्कुट उद्योगको ६९.४९, वियरको ५७.५४, लिक्विड औषधिको ५०.७९, तोरीको तेलको ५०.०९, चुरोटको ४९.६३, चकलेटको ४९.०६, सिमेन्ट उद्योगको ४५.६३ र ईटा उद्योगको ४१.०२ प्रतिशत छन् ।
औसतभन्दा कम उत्पादन क्षमता भएकामा ट्याब्लेट औषधीको ३६.६३, क्याप्सुल औषधीको ३४.४९, प्रशोधित दुध २५.४१ प्रतिशत, चाउचाउको २१.७१ प्रतिशत, ओइन्टमेन्ट औषधीको ११.२८ प्रतिशत र ड्राई सिरप औषधीको ६.०९ प्रतिशत रहेको प्रतिवेदनमा उल्लेख छ ।
यस्तै, गत आर्थिक वर्ष २०८० र ८१ मा गण्डकी प्रदेशको कुल गाह्रस्थ उत्पादनमा उद्योग क्षेत्रकोहिस्सा १६।८ प्रतिशत रहने प्रारम्भिक अनुमान छ । गत वर्ष यस्तो हिस्सा १७।४ प्रतिशत रहेको थियो । यस प्रदेशको उद्योग क्षेत्रमा साना र मझौला उद्योगहरूको उल्लेख्य उपस्थिति छ ।
आर्थिक वर्ष २०८० र ८१ सम्ममा गण्डकी प्रदेशमा दर्ता भएका कुल उद्योगको सङ्ख्या ७३ हजार ७ सय ६६ पुगेको छ भने वाणिज्य फर्मको संख्या ७४ हजार ३ सय १९ पुगेका छन् ।
राष्ट्रिय गौरवका आयोजनामध्ये कालीगण्डकी करिडोर अन्तर्गतको मालढुगा–राम्दी–गैडाकोट खण्डको भौतिक प्रगति करिब ६५.०७ प्रतिशत र बेनी–जोमसोम खण्डको भौतिक प्रगति करिब ८४ प्रतिशत छ ।
मध्यपहाडी लोकमार्ग अन्तर्गत गोरखा–लमजुङ खण्डको भौतिक प्रगति ७५ प्रतिशत र कास्की–पर्वत–बाग्लुङ खण्डको भौतिक प्रगति ७७ प्रतिशत रहेको छ भने तनहुँ जलविद्युत आयोजना तथा बुढिगण्डकी जलविद्युत आयोजनाको भौतिक प्रगति क्रमशः ५८.१ प्रतिशत र १० प्रतिशत रहेको छ ।
गण्डकी प्रदेशका ८५ स्थानीय तहले आर्थिक वर्ष २०८० र ८१ मा प्रधानमन्त्री रोजगार कार्यक्रम सञ्चालन गरेका छन् । सो अन्तर्गत सञ्चालित १ हजार १८ आयोजना मार्फत् कुल ७ सय २१ व्यक्तिले औसतमा ५४.२४ दिन रोजगारी पाएका प्रतिवेदनमा उल्लेख छ ।
