गण्डकी प्रदेश सांसद कृष्ण थापाद्वारा पदबाट राजीनामा

पोखरा महानगरको मेयर पदमा सिफारिस भएसंगै गण्डकी प्रदेश सभा सदस्य कृष्ण थापाले पदबाट राजीनामा दिएका छन् । गण्डकी प्रदेशका सभामुख नेत्रनाथ अधिकारीलाई उनले सोमबार विहान १० बजेर ५० मिनेट जादा राजीनामा बुझाएका हुन् ।
पोखरा महानगरको मेयरमा ईच्छुक देखिएका थापालाई पन्छाउदै शनिवार एमाले केन्द्रीय कमिटीको वैठकले दिपक पौडेललाई उम्मेदवार चयन गरेको थियो । पूर्व शिक्षकसमेत रहेका पौडेलले पृथ्वीचोकस्थित एक सुनचाँदी पसलमा २०६६ मा सिक्री चोरेको सिसिटिभी फुटेज भाइरल भएपछि उनको चौतर्फि विरोध भएको थियो । उनको विरोध गर्ने बढी एमालेकै कार्यकर्ता थिए ।
विवादमा मुछिएका पौडेललाइ लत्याउलै एमालेले सोमबार विहान थापालाई मेयरको उम्मेदवार घोषणा गरेको हो । थापा पनि विवादमुक्त व्यक्ति भने होइनन् । यसअघि उनी जातिय विवादको मुद्दामा मुच्छिएका थिए । यस्तै उपमेयर पदमा वाहालवाला उपमेयर मन्जुदेवी गुरूङलाई नै उम्मेदवार सिफारिस गरिएको छ । पुनः उपमेयर हुने इच्छा नरहेको भन्दै उनले आइतबार पदबाट राजीनामा दिन मानेकी थिईनन् । सोमबार उनले मेयर मानबहादुर जिसीलाई राजीनामा पत्र बुझाएकी छन् । स्रोतका अनुसार आफूभन्दा सिनियर मेयरको उम्मेदवार भएपछि उपमेयरमा पुनः सहमत जनाएकी हुन् । यसभन्दा अघि सिफारिस भएका मेयर पार्टीका प्रदेश सदस्य थिए । गुरुङ भने पार्टीको केन्द्रीय सदस्य हुन् ।
विहान ११ बजे एमाले जिल्ला पार्टी कार्यालयमा उपस्थित भई ¥यालीसहित उम्मेदवारी दर्ता गर्ने जाने तयारी रहेको गुरुङका सहयोगी एकराज गिरीले जानकारी दिए ।