Category: प्रदेश

गण्डकी प्रदेशका मुख्यमन्त्री कृष्णचन्द्र नेपालीले प्रदेशका सबै ठाउँमा सुलभ स्वास्थ्य सेवा प्रवाहका लागि सरकार क्रियाशील रहेको बताएका छन् । बागलुङको गलकोट नगरपालिका–५ हरिचौरमा रहेको प्राथमिक स्वास्थ्य केन्द्रको नवनिर्मित भवन उद्घाटनपछि मुख्यमन्त्री पोखरेलले जनशक्ति व्यवस्थापन अहिलेको मुख्य चुनौती रहेको बताए ।
कोरोना महामारीको नियन्त्रण र रोकथाममा स्वास्थ्यकर्मीले पुयाएको योगदानको कदर गर्दै मुख्यमन्त्री पोखरेलले कोरोनाकै कारण प्रदेशको स्वास्थ्य संरचनामा सुधार भएको बताए । संरचनागत रुपमा भवनहरु भए पनि स्वास्थ्य उपकरण र जनशक्ति अभाव भएकोबारे आफू जानकार रहेको भन्दै उनले यो समस्या समाधानका लागि तत्काल पहल गर्ने प्रतिबद्धता जनाए । उनले भने, ‘मुख्य सहरवाहेक अन्तका स्वास्थ्य संस्थामा विशेषज्ञ सेवा दिने चिकित्सक पुयाउन सकिएको छैन, विशेष प्रोत्साहन दिएर भए पनि हामी उनीहरुदलाई ग्रामीण भेगामा पठाउँछौं ।’
सिमित स्रोत र साधनका बीच प्रदेश सरकारले भौतिक संरचनाका अतिरिक्त सामाजिक क्षेत्रमा समेत काम गर्दै आएको उनले सुनाए । स्वास्थ्य क्षेत्रलाई सुदृढ गर्नकै लागि स्वास्थ्य नीति जारी गरिएको र अब यसकै कार्यान्वयका लागि ऐन बनाउन लागिएको मुख्यमन्त्रीले बताए । उनले भने, ‘प्रदेशमा के कस्तो स्वास्थ्य नीति अपनाउनु पर्ने हो र कसरी नागरिकलाई सहज रुपमा स्वास्थ्य सुविधा दिन सकिन्छ भनेर हामी लागी परेका छौं ।’
हरिचौर स्वास्थ्य केन्द्रको स्तरोन्नती गरी नगर अस्पताल घोषणा गरिए पनि कार्यन्वयनमा आउन नसकेको गुनासो संवोधन गर्दै उनले पोखरा फर्के लगत्तै यसबारेमा आफूले चासो दिने प्रतिबद्धता जनाए । गलकोट क्षेत्रको विकासका लागि प्रदेश सरकारले यथासक्य काम गर्दै आएको भन्दै मुख्यमन्त्रीले प्रदेशको क्षमता अनुसार काम गर्दै आएको भनाइ राखे ।
कार्यक्रममा प्रदेश सभा सदस्य एवं राष्ट्रिय जनमोर्चाकी नेतृ पियारी थापाले नेपालको शैक्षिक प्रणालीकै कारण स्वास्थ्य क्षेत्रमा पर्याप्त जनशक्ति पाउन नसकिएको भनाइ राखिन् । गलकोट नगरपालिकाका मेयर भरत शर्मा गैरैले करिब ४ वर्षको अवधिमा स्थानीय सरकारले सक्दो काम भन्दै यसको मूल्यांकन नागरिकले गर्ने बताए । अस्पतालको स्तरोन्नती र सञ्चालनका लागि कार्यापालिकाबाट निर्णय गरे पनि प्रदेश र संघका कार्यालयमा पुग्दा अलमल हुने गरेको उनले सुनाए । उपमेयर रेनुकुमारी काउचा मगरले सिमित स्रोत र साधनका बीच पनि आफूहरुले कार्यसम्पादन गर्दै आएको बताइन् ।
३ बेडका लागि स्वीकृति पाएको भए पनि अहिले अस्पतालमा १५ बेड चालु छ । ८ रोपनी जमिनमा ७ करोड लगानीमा स्वास्थ्य केन्द्रको भवन निर्माण भएको हो । २ जना मेडिकल अधिकृतसहित १४ कर्मचारी कार्यरत संस्थामा मासिक १२ सयको हाराहारिमा बिरामी उपचारका लागि आउने गरेका छन् ।
मेडिकल अधिकृत डा सन्देश मल्लले अहिले स्वास्थ्य केन्द्रमा एक्सरे, एम्बुलेन्स, इसिजी, ल्याबसहित २४ सै घन्टा इमरजेन्सी सेवा सञ्चालन हुँदै आएको बताए । जनशक्तिको अभावमा ल्याब २४ सै घन्टा सञ्चालन गर्न नसकिएको भन्दै उनले एक्सरे मेसिन सञ्चालन कार्यालय सहयोगीले गर्नुपर्ने अवस्था रहेको सुनाए । गलकोट सेवा जापानले स्वास्थ्य केन्द्रलाई आधुनिक एक्सरे मेसिन प्रदान गरेको छ ।

गण्डकी प्रदेशसभाको वैठक आज दिउसो १ बजे बस्दै छ । बुधबार बसेको कार्य व्यवस्था परामर्शको वैठकले दिउसो १ बजेको लागि वैठक तय गरेको थियो । आजको वैठकमा प्रदेशसभामा प्रतिनिधित्व गर्ने पाच वटै दलका नेताले सम्बोधन गर्नेछन् । सभामुख नेत्रनाथ अधिकारीले प्रदेश प्रमुखबाट प्राप्त पत्रको बारेमा सवै सांसदलाई पढेर जानकारी गराउनेछन् भने मन्त्रीमण्डल हेरफेर भएको विषयमा पनि जानकारी गराइने प्रदेश सभा सचिवालयका सुचना अधिकारी जितेन्द्र केसीले जानकारी दिए ।
आजदेखी सुरु हुने हिउदे अधिवेशन भोली पनि दिउसो १ बजे संचालन हुनेछ । त्यसपछि चैत १ सम्म वैठक स्थगित हुने संसद सचिवालयले जनाएको छ । सरकारले विजनेश दिन नसक्दा लामोसमयदेखी हिउदे अधिवेशन बस्न सकेको थिएन । प्रदेशसभाको वैठक नदीपुरस्थित आफ्नै भवनमा बस्ने भएको छ । यसभन्दा अघि कोरोना महामारीका कारण ठाउ साघुरो भएपछि सभागृहमा वैठक संचालन गरिएको थियो । अधिवेशन सम्पन्न भएको ६ महिनाभित्र अर्को अधिवेशन संचालन गर्नुपर्ने संवैधानिक व्यवस्था छ । बजेट अधिवेशन गत असोज ५ मा अन्त्य भएको थियो । यस अधिवेशनले चारवटा विधेयक पारित गर्नेछ । कतिपय पुराना ऐन संसोधन गर्ने तयारीमा सरकार छ ।
खानेपानी, सिंचाई र सुचनाको हक सम्बन्धी विधेयक सरकारले टेबुल गर्ने तयारी गरेको छ । यस्तै, गत कार्तिक ११ मा प्रदेशसभा सचिवालयमा दर्ता भएको तर, प्रदेशसभा वैठकमा पेश नभएको गण्डकी प्रदेश तथा स्थानीय तहबीच समन्वय कायम गर्न तथा विवाद समाधान गर्न बनेको विधेयकलाई पनि यही अधिवेशनमा टेबुल गर्ने तयारी भएको छ भने, विधायन समितिमा विचाराधिन रहेका आर्थिक कार्यविधि तथा वित्तिय उत्तरदायित्व सम्बन्धमा व्यवस्था गर्न बनेको विधेयक, आमसञ्चार र बालबालिका सम्बन्धी विधेयकलाई पारित गर्ने तयारी सरकारको छ । विधायन समितिका सभापति विष्णुप्रसाद लामिछानेले बालबालिका सम्बन्धी विधेयक दफावार छलफल गरी भोलीको संसद वैठकमा प्रतिवेदनसहित पेश गर्ने तयारी भएको बताए । 

कर्तव्य ज्यान मुद्दाको आरोपमा कास्की प्रहरीले शुक्रबार तीन जनालाई पक्राउ गरेको छ । पक्राउ पर्नेमा पोखरा महानगर–२० लामडा“डाका २९ वर्षिय प्रकाश गुरुङ, ३० वर्षिय प्रिमस भन्ने डिलबहादुर गुरुङ र पोखरा–१३ लामाखेतका २५ वर्षिय निशान गुरुङ रहेका छन् ।
प्रहरीले उनीहरुको साथबाट घटनामा प्रयोग भएको एउटा चक्कु समेत बरामद गरेको जनाएको छ । शुक्रबार जिल्ला अदालत कास्कीमा कर्तव्य ज्यान सम्बन्धी मुद्दा दर्ता गरि ७ दिनको म्याद थप भएको छ । प्रहरीका अनुसार विहीवार विहान पोखरा–२० मौजास्थित महा–विवरात्रीको अवसरमा स्थानीय क्लवद्धारा आयोजिक सा“स्कृतिक कार्यक्रममा विवाद हुदा“ लामडा“डाका ३७ वर्षिय चोकेन्द्र गुरुङलाई चक्कु प्रहार गरी घाइते बनाएका थिए । पीडितका आफन्तको जाहेरीको आधारमा प्रहरीले पक्राउ गरि मुद्दा दर्ता गरेको जनाएको छ । चोकेन्द्रलाई उपचारको लागि अस्पताल ल्याउने क्रममा नै मृत्यु भएको जिल्ला प्रहरीका प्रवक्ता डीएसपी सुन्दर तिवारीले जानकारी दिए । यस्तै, पोखरा महानगरपालिका–६ लेकसाईडस्थित कोठा भाडामा लिने । फोन सम्पर्कको आधारमा विभिन्न होटलमा महिलालाई जवरजस्ती बेश्याबृत्ति कार्यमा संलग्न गराउने तीन जनालाई जिल्ला प्रहरी कार्यालय कास्कीले पक्राउ गरेको छ ।
सुचनाको आधारमा प्रहरीले आइतबार पोखरा महानगर–७ मुस्ताङचोक स्थायी घर भई पोखरा–१७ रातोपहिरा बस्ने ३० वर्षिय नारायण पोखरे, सिन्धुपाल्चोक चौतारा–६ ठूलीधारा स्थायी घर भई हाल पोखरा–६ जरेबर बस्ने २२ वर्षिया पुजा थापा मगर र बा“के चिसापानी–९ घर भई पोखरा–६ जरेबर बस्ने २२ वर्षिय विशाल योगीलाई प्रहरीले पक्राउ गरेको हो । पक्राउ परेका तीन जनालाई नै प्रहरीले शुक्रबार मानव बेचविखन तथा ओसारपसार शिर्षकमा मुद्दा दर्ता गरी जिल्ला अदालतबाट ८ दिनको म्याद थप गरिएको कास्की प्रहरीले जनाएको छ ।