सिटिइभिटी अन्तर्गत नेपालको एक मात्रै निजि शिक्षण सस्था अन्तर्गत पढाई हुने डिप्लोमा तहको ब्युटी एन्ड कस्मेटोलोजि कोर्स पोखराको औद्योगिक क्षेत्रमा रहेको गण्डकी टेक्निकल ईन्स्टिच्युट प्रा.लि.मा पढाई हुने भएको छ ।
सरकारले नेपालमा हाल संचालित ब्युटी पार्लर एवं कस्मेटिक (सौन्दर्य) पेशालाई मर्यादित एवं समय अनुसार बिश्व बजार सङ प्रतिस्पर्धी बनाउनको लागि ३ बर्शे डिप्लोमा तहको कोर्स डिजाइन गरेर पहिलोपटक संचालन गरेको हो ।
बिदेशमा राम्रो पारिश्रमिकसहित उच्च माग रहेको यो तहको जनशक्ति नेपालमा हालसम्म छैन ।
नेपालमा हाल (जुलाई २०२५ सम्म) लगभग ३,१०९ वटा ब्युटी पार्लर (beauty salons) छन्, जसमा राजधानी काठमाडौंमा मात्र करिब ८७६ स्थान धेरै सघन रूपमा रहेका छन् ।
यदि ब्युटी पार्लर र कस्मेटिक पसल सबै सामेल गर्ने हो भने, “Beauty & Personal Care” मा कुल ४८२ वटा कम्पनी / व्यापारिक प्रतिष्ठानहरू छन् ।
विभिन्न पत्र-पत्रीका एवं डाटा अनुसार, देशभरमा करिब ४ लाख जना ब्युटी व्यवसायी रोजगारमा लागेका छन् र तीमध्ये लगभग ९० % महिला छन् ।
त्यस्तै, लगभग २ लाख वटा ब्युटी इन्स्टिच्युट दर्ता भइसकेका छन् । यी मध्य ९९% तिन महिनाको (लेभल-१) र छ महिनाको (लेभल-२) तालिम प्राप्त ब्यक्ति द्वारा संचालित छ्न् । जुन विश्व बजार अनुसारको मापदण्ड अनुरुप छैनन् ।
केही जनशक्ति तयार भएपछि कुनै पनि कस्मेटिक एवं सौन्दर्य सम्बन्धि पसल खोल्न वा पसलमा कार्य गर्नको लागि यस्को लाइसेन्स अनिवार्य गर्ने तयारी गरेको बुझिन्छ ।
गण्डकी टेक्निकल ईन्स्टिच्युटका अध्यक्ष ध्रुब शर्माको अनुसार गत सालदेखि सुरु भएको यो कार्यक्रममा देशैभरीबाट यो कोर्सको बारेमा चासो बढेको र विद्यार्थीले पढ्न फारम भरेको बताए ।
गण्डकी टेक्निकल ईन्स्टिच्युटमा CTEVT अन्तर्गत हाल Beauty & Cosmetology को साथै डिप्लोमा तहको ३ बर्षे कार्यक्रम अन्तर्गत सामन्य चिकित्सा(HA), फार्मेसी, मेडिकल ल्याब टेक्नोलोजी(CMLT) र १८ महिने भेटनरी जेटिए (V-JTA) कोर्सको पढाई हुदै आएको छ । भेटनरी जेटिए कोर्स SEE मा NG आएकाहरुले पनि पढ्न पाइनेछ ।
