तास खेलिरहेका ५ जना प्रहरीको नियन्त्रणमा

भदौ ९ गते राती तास खेलिरहेको अवस्थामा स्याङ्जा प्रहरीले ५ जनालाई नियन्त्रणमा लिएको छ । पुतलीबजार नगरपालिका–१३ कुलबाँधस्थित प्रेमराज थापाको घरमा तास खेलिरहेको भन्ने विशेष सूचनाको आधारमा प्रहरीले पक्राउ गरेको हो । पक्राउ पर्नेमा घरधनी ४९ वर्षिय प्रेमराज थापा, सोही ठाउँका ५३ वर्षिय हिमप्रसाद कार्की, ३१ वर्षिय राजु थापा, ३१ वर्षिय सन्देश भन्ने जलिन्द्र थापा र ३१ वर्षिय राजु भन्ने सोविन थापा रहेका छन् । उनीहरुको साथबाट प्रहरीले एघार हजार दुई सय ७० रुपैयासहित १ बुक (१२ पत्ति) ताससमेत बरामद गरेको प्रहरीले जनाएको छ । पक्राउ परेका पाँच जनालाई १० गते जिल्ला प्रशासन कार्यालय स्याङ्जामा मुद्दा दर्ता गरी ७ दिनको म्याद थप गरिएको प्रहरीले जनाएको छ ।