लागूऔषधसहित स्याङ्जामा दुई जना पक्राउ

सिदार्थ राजमार्ग अन्र्तगत स्याङ्जाको राम्दीमा लागूऔषधसहित दुई जनालाई पक्राउ गरिएको छ । वडा प्रहरी कार्यालय वालिङ र अस्थायी प्रहरी चौकी राम्दीबाट खटिएको प्रहरीको टोलीले सवारी साधन चेकजाँच गर्ने क्रममा आज बुटवलबाट पोखरातर्फ जाँदै गएको लु१ख ८४५२ नम्बरको यात्रुवहाक बसमा सावर दुई जनालाई पक्राउ गरिएको हो ।
पक्राउ पर्नेमा पोखरा महानगरपालिका–३२ लेखनाथ बस्ने २४ वर्षिय अजय परियार र ३० वर्षिय अमृत थापा रहेका छन् । प्रहरीले उनीहरुको साथबाट डाईजेपाम ३४ एम्पुल, नुफिन ३४ एम्पुल, फेनेरागन ३४ गरी जम्मा १०२ एम्पुल बरामद गरिएको जिल्ला प्रहरी प्रवक्ता प्रशन्नराज चौधरीले जानकारी दिए ।