भूमि व्यवस्था, सहकारी तथा संघीय मामिला तथा सामान्य प्रशासन मन्त्रालयले कालिकोटको सान्नी त्रिवेणी गाउँपालिकाको प्रमुख प्रशासकीय अधिकृतको आर्थिक तथा प्रशासनिक जिम्मेवारी रद्द गरेको छ।
मन्त्रालयले सरुवा निर्णय कार्यान्वयन नगरी नयाँ जिम्मेवारीमा जानुपर्ने कर्मचारी पुरानै पालिकामा बसेपछि गाउँपालिकाको आर्थिक अधिकार रोक्का गर्ने निर्णय गरेको हो।
मन्त्रालयले नयाँ प्रमुख प्रशासकीय अधिकृतका रूपमा खटाइएका कर्मचारीलाई आर्थिक तथा प्रशासनिक जिम्मेवारीसहित तत्काल कामकाजमा लगाउन निर्देशन दिएको छ।
सरुवा भएर नयाँ जिम्मेवारीमा जानुपर्ने कर्मचारीले निर्णय कार्यान्वयन नगरेपछि मन्त्रालयले यस्तो कदम चालेको हो।




