एसिड आक्रमण विरुद्धकी अभियान्ता मुस्कानले कावासोतीमा गरिन् अभिमुखीकरण

एसिड आक्रमण विरुद्धको अभियान सञ्चालन गर्दै आएकी विरगञ्जकी मुस्कान खातुनले आफ्ना अनुभव सहित किशोरी विद्यार्थीहरुसँग अन्तरक्रियात्मक अभिमुखिकरण कार्यक्रम आज कावासोतिका २ बिधालयमा सप्पन्न गरिएको छ ।
मुस्कान खातुन आफै एसिड आक्रमणमा परि उपचाररत रहेकि र आफ्नो समय समुदाय र बिधालय स्तरमा यसको सचेतना गर्दै आईरहेकि छिन ।
खातुनले एसिड आक्रमण विशेष गरी किशोरीहरुमाथी हुने गरेको बताईन् । उनले किशोरावस्थामा आपराधिक मानसिकताका युवाले युवतीको सुन्दरताको लालचमा पर्ने र किशोरीबाट प्रेम प्रस्ताव अस्वीकार हुँदा प्राय यस्ता घटना हुने गरेको बताईन् । 
उनले यस्ता घटना धेरैजसो सिमान्तकृत परिवार वा घटनापछि समाजमा आवाज उठाउन नसक्ने, शक्तिको आडमा घटनालाई निस्क्रिय पार्न सकिने ठानेर आक्रमण हुने गरेको पाईएकोले ग्रामीण क्षेत्रका किशोरी युवतीहरुका साथै बिद्यार्थी उमेर समूहका छात्राहरु होसियार हुन्पर्ने बताईन् । 
आजको सो कार्यक्रममा जिल्ला प्रहरी कार्यालय नवलपुरका सहायक प्रहरी निरिक्षक बिन्दु बिश्वकर्माले कानूनी कार्वाही लगायत पछिल्लो समय साइवरका माध्यमबाट अपराधमा बृद्धि भएकाले किशोरी युवतीहरु सतर्क रहनुपर्ने बताईन् ।
जेसीज नवलपुरको आयोजना तथा रोट्रयाक्ट क्लव अफ नवलपुर सिटी र जागृति बाल तथा युवा सरोकार नेपालको सह आयोजनामा शहिद स्मृति माध्यमिक विद्यालय र लुम्विनी आवासिय माध्यमिक विद्यालयमा भएका कार्यक्रमको अध्यक्षता  नवलपुर जेसीजकी अध्यक्ष राधिका भुसालले गरेकी थिईन् । 
कार्यक्रममा कावासोतीका सामुदायिक तथा संस्थागत विद्यालयबाट अन्तरक्रियामा सहभागी हुने किशोरी विद्यार्थीहरुको उल्लेख्य सहभागिता रहेको थियो ।