“जुन देशमा समुन्द्र छैन, त्यही देशमा पानीजहाज ?”

प्रतिपत्र संवाददाता (पोखरा)
नेकपा एमालेका स्थायी कमिटी सदस्य सुरेन्द्र पाण्डेले जुन देशमा समुन्द्र छैन त्यही देशमा कसरी पानी जहाज चल्छ भनेर प्रश्न गरेका छन् । एमाले अध्यक्ष एवं प्रधानमन्त्री केपी शर्मा ओलीले उट्पट्याङ्गा कुरा गरेर जनतालाई भ्रम फैलाउने मात्रै काम गरेको उनले बताएका थिए । पोखरामा आयोजित जिल्लास्तरीय कार्यकर्ता भेलामा बोल्दै नेता पाण्डेले जनतालाई आफूले गर्न नसकिने कामको आश्वासन दिन नहुने बताए । ‘ओली गफाडी हुन’ उनले भने, ‘दुईसय बर्षपछि हुने कामलाई पनि अहिले नै भ्रम फैलाइदिन्छन ।’
पूर्व अर्थमन्त्रीसमेत रहेको पाण्डेले महिला र बालबालिकाको सवालमा सरकार जिम्मेवार नबनेको बताएका थिए । प्रहरी सक्षम र इमान्दार नभएसंग देश परिवर्तन नुहने उनको तर्क थियो । उनले प्रहरी र व्युरोक्रेसी सुधार भए मुलुक सुधार हुन समय नलाग्ने बताए । सवै सुध्रिन पहिलो राजनीति सुध्रिनुपर्ने उनको भनाई थियो । सर्वोच्च अदालतले नेकपा पार्टी नरहेको र एमाले पुरानै अवस्थामा फर्किएको निर्णय गरेपनि अध्यक्ष ओलीले नेकपामा रहेजस्तै एकलौटी काम गरेको उनले जनाए । ‘एमाले जेठ २ कै अवस्थामा आउदा ओली आउन चाहादैनन’ उनले भने । ओलीले एकलौटी मनपरी निर्णय गरेको बताउदै उनले आफूहरुले गलत कामको साथ दिन नसकेको बताए ।
अहिले पार्टीमा संकल्प र एकताको खा“चो रहेको उनको भनाई थियो । संसद विघटनको संकट नटरेको बताउदै उनले अहिले पनि यो संकट ज्यु“कात्यु“ रहेको बताएका छन् । ‘नया“ संकल्पका साथ अघि बढ्नुपर्छ’ उनले भने, ‘गलत कामको निरुत्साहित गर्नुपर्छ । पार्टीको आन्तरिक संघर्षमा कसरी जोडिने सोच्ने बेला आएको छ । हिजोका उपलब्धी र कम्युनिष्ट आन्दोलनलाई जोगाउनुछ ।’ उनले देशभित्रका प्रतिकृयावादी यतिबेला सलबलाई रहेको बताउदै प्रतिकृयावादीले चाहेअनुसार ओलीले काम गर्दै आएको उनको भनाई थियो । फागन २८ को निर्णयले नै पार्टीलाई विवादित बनाएको उनले बताए । ‘हामीले चैत २ मा धुमबाराहीमा वैठक बस्यौ’ उनले भने, ‘२८ गते भएका सवै निर्णय फिर्ता लिनुस । तपाईका चियापान कार्यक्रम स्थगित गर्नुस हामी ४ र ५ को भेला स्थगित गर्छौ भन्यौ । उहा“हरु नमानेपछि हामीले कार्यकर्तालाई घटनाक्रम बताउन पनि भेला आयोजना गर्नु थियो, गर्यौ ।’ भेलाले पार्टीको कमिटी गठन गर्ने निर्णय गरेको उनले बताए ।