ठगी आरोपमा विदेशीसहित ६ जना पक्राउ

क्यानडा पठाइदिने भन्दै ठगी गरेको आरोपमा दुुई विदेशीसहित ६ जना पक्राउ परेका छन् । मंगलबार कास्की प्रहरीले पोखरा महानगरपालिका–१० बुद्धचोकस्थित होटलबाट पक्राउ गरेको हो । क्यानडा लैजान्छु भनी प्रलोभन देखाई अन्तवार्ता लिइरहेको अवस्थामाा पक्राउ गरिएको जिल्ला प्रहरी कार्यालय कास्कीले जनाएको छ ।
पक्राउ पर्नेमा क्यानडा अलवर्ट राज्य क्यालगोरी सिटीका ४५ वर्षिय राकेश जैसवाल र भारतको मध्य प्रदेशका ३२ वर्षिय ईस्मित कौर रहेका छन् । यस्तै, पोखरा–१३ पाटनवेशीकी ६५ वर्षिया पार्वती सुनार, पोखरा–९ महेन्द्रपुल बस्ने ३७ वर्षिया रिता सुनार, स्याङ्जाको फेदीखोला गाउँपालिका–३ बस्ने ३२ वर्षिया सीमा सुनार र काठमाडौँ महानगरपालिका–१४ कलंकी बस्ने ३८ वर्षिय प्रदिप उपाध्याय रहेका छन् । पक्राउ परेकाहरुलाई जिल्ला अदालत कास्कीमा ठगी मुुद्दा दायर गरी अनुसन्धान प्रक्रिया अगाडि बढाएको प्रहरीका सूचना अधिकारी श्रवणकुमार विकले जानकारी दिए ।