सामाजिक सञ्जाल टिकटक लगायत विभिन्न प्लेटफर्ममा एक वृद्ध व्यक्तिसँग कालो–सेतो रंगको हस्की जातको कुकुर खेलिरहेको तथा जिस्किरहेको भिडियो भाइरल भएपछि जिल्ला प्रहरी कार्यालय पर्वतले यसबारे स्पष्टीकरण दिएको छ ।
प्रहरीका अनुसार भिडियोमा देखिएका वृद्ध व्यक्ति शारीरिक रूपमा फरक क्षमता भएका व्यक्ति हुन् । उनी नियमित रूपमा कुश्मा बजारस्थित एक रेस्टुरेन्टमा आउने गरेका र उक्त कुकुरसँग पहिलेदेखिनै नजिक भई खेल्ने गरेको खुल्न आएको जनाएको छ ।
प्रहरीले सार्वजनिक गरेको सूचनामा कुकुरले वृद्ध व्यक्तिलाई जिस्काएको जस्तो देखिए पनि वास्तविकता फरक रहेको उल्लेख गरिएको छ । उक्त भिडियो रेस्टुरेन्ट सञ्चालकले नै खिची सामाजिक सञ्जालमा राखेको र पछि अन्य व्यक्तिहरूले नकारात्मक टिप्पणीसहित पुनः पोस्ट गरेपछि विषय चर्चामा आएको प्रहरीको भनाइ छ ।
सामाजिक सञ्जालमा अपुष्ट तथा भ्रामक सामग्री शेयर गर्दा समाजमा गलत सन्देश फैलिन सक्ने भन्दै प्रहरीले सत्य तथ्य बुझेर मात्र सामग्री प्रचार–प्रसार गर्न आग्रह गरेको छ ।
प्रहरीले “भाइरलभन्दा सत्य ठूलो हुन्छ, अपुष्ट भिडियो शेयर गर्नु अघि सोचौँ” भन्ने सन्देशसमेत दिएको छ ।
प्रहरीले सुस्तमनस्थिति भएका व्यक्तिलाई गरिव भएकै कारण साथ नदिएकाे भन्दै सामाजिक संजालमा प्रहरीकाे विराेध गरिएकाे छ ।
