चार्डपर्वका कारण देशभर रगतको अभाव देखिन थालेपछि स्याङ्जामा रक्तदान कार्यक्रम आयोजना गरिएको छ। आस्था क्लबको आयोजना तथा नेपाल रेडक्रस सोसाइटीको प्राविधिक सहयोगमा आयोजित कार्यक्रममा २४ जनाले रक्तदान गरेका छन् । कार्यक्रमबाट २४ युनिट रगत संकलन भएको हो ।
चाडपर्वका समयमा नियमित रक्तदान कार्यक्रम कम हुने तर बिरामीका लागि रगतको माग भने निरन्तर रहने भएकाले रगतको अभाव न्यूनीकरणमा योगदान पुर्याउने उद्देश्यले कार्यक्रम आयोजना गरिएको क्लबका अध्यक्ष अनन्त रेग्मीले बताए ।
रक्तदानमार्फत संकलित रगतले आवश्यकतामा रहेका बिरामीलाई सहयोग पुग्ने विश्वास आयोजकले लिएको छ । रक्तदान कार्यक्रम जिल्ला सदरमुकाम पुतलीबजारमा गरिएकाे थियाे ।




