Category: प्रदेश

नकपा एमालेकी केन्द्रीय सचिव पद्मा अर्यालले अर्थमन्त्रीमाथि छानविन गर्न बनेको समितिमाथिनै प्रश्न उव्जिएको बताएकी छन् । पोखरामा आइतबार पत्रकार सम्मेलन गर्दै उनले सो कुरा बताएकी हुन् । बजेट बनाउने क्रममा आधा रातमा अनाधिकृत व्यक्ति प्रवेश गराएको आरोप अर्थमन्त्री जर्नादन शर्मामाथि लगाइएको थियो । उक्त छानविन समितिले अर्थमन्त्री गलत नरहेको पुष्टी गरेपछि शर्मा पुनः अर्थमन्त्री पदमा नै नियुक्त भएका थिए । छानविन समितिले बहुमतको आधारमा टाउका गनेर प्रतिवेदन पेश गरेको आरोप उनको छ ।
उक्त प्रतिवेदन चित्त बुझ्दो नभएको हुदाँ एमालेलाई स्वीकारे नरहेको उनले बताइन् । करको दायरा फेर्न अर्थ मन्त्रालयले समिति गठन गरेको हुन्छ । प्रकृयागतरुपमा बजेट नबनाएको बताउँदै पूर्व मन्त्रीसमेत रहेकी अर्यालले गठबन्धन सरकारले उनीविरुद्धको प्रमाण मेटाउने काम भएको आरोप लगाइन् । आर्थिक सूचांक धरासय बन्दै गएको बताएकी उनले शेरबहादुर देउवा नेतृत्वको सरकार इतिहासकै नालायक र असफल रहेको बताएकी छन् । एमसीसी र एसपीपी जस्ता विषयले कुटनीतिक सम्बन्ध खलबलिने, परराष्ट्र नीति र राष्ट्रियतमाथि नै प्रश्न चिन्ह्र खडा हुने काम गठबन्धन सरकारले गरेको उनले बताइन् ।
नजिकिदै गरेको निर्वाचनतर्फ फर्किदै गठबन्धनलाई सीट कति प्राप्त गर्ने भन्ने मात्र चिन्ता रहेको भन्दै सचिव अर्यालले भनिन, ‘एमाले कमजोर नभएकै कारण गठबन्धन बनेको हो । हामी डटेर निर्वाचनमा लड्छौ ।’ उनले बड्दो महङगीको पनि विरोध गरिन् । जेठ महिनामा मात्रै आयल निगमबाट ४१ करोड इन्धन घोटला भएको उनले बताएकी छन् । यस सरकारसँग जनताले आश गर्ने ठाउँ नरहेको उनले बताइन् । उनले नागरिकता विधेयकप्रति पनि सरकारले गलत काम गरेको बताएकी छन् ।
यस्तै एमाले प्रदेश कार्यालयले गण्डकी सरकारले गरेका कामविरुद्ध विरोध जनाएको छ । प्रदेश अध्यक्ष नवराज शर्माको हस्ताक्षरमा ९ बुदेँ प्रेस विज्ञप्ती जारी गरेको हो । सरकारले मन्त्री परिषद् विस्तार गरि सातबाट १२ पु¥याएको, अघिल्ला सरकारका वहुवर्षे योजना कटौती गरेको, एक निर्वाचन क्षेत्र एक सडक नीति लत्याउदै कृषि सडकको अवधारण ल्याएको, प्रतिपक्ष दलका सांसदलाई दोस्रो तहका सांसदको दर्जामा राख्दै सत्तापक्षका प्रति सांसदलाई ५ करोड दिने गरि आफूखुशी बजेट ल्याएको, मन्त्रीका आफन्तको नाममा रहेका ट्रष्टमा बजेट राखेर सार्वजानिक सम्पतिलाई नीजिकरण गर्न खोजेको, स्रोत तथा वित्त आयोगको नियम उलंघन गर्दै बजेट निर्माण गरेको आरोप एमालेको छ । यस्तै, कर बृद्धि र करको शिर्षक हेरफेर, संसद सचिवालयका सचिवको उमेर म्याद थप गर्ने र बढ्दो भ्रष्टाचारविरुद्ध आन्दोलन गर्ने विज्ञप्तीमा उल्लेख छ ।

नेपाल एकीकृत समाजवादी पार्टीका अध्यक्ष माधवकुमार नेपालले आगामी मंसिरमा हुने प्रतिनिधिसभा र प्रदेशसभाको निर्वाचनमा एक्लै चुनाव लड्ने अवस्था आउने बताउ“दै कार्यकर्तालाई तयारी अवस्थामा रहन निर्देशन दिएका छन् । उनले गठबन्धनमा काँग्रेसले सम्मानपूर्वक सीट नदिए एक्लै पनि चुनाव लड्ने बताएका हुन् । शनिवार बेलुका पोखरामा पत्रकारस“ग भेटघाट गर्दै उनले चित्त बुझ्दो सीट बा“डफा“ट भए गठबन्धनबाटै चुनाव लड्ने बताएका हुन् । उनले आफूहरुको माग कति सीट भन्ने विषयमा भने खुलाएनन् ।
आगामी निर्वाचनको लागि तयारीमा जुटेको बताउदै नेपालले कार्यकर्तालाई भने, ‘पार्टी संगठन बलियो बनाउनुस । उम्मेदवार खडा गर्नुस ।’ माओवादीस“गै समाजवादी पार्टी पनि नेपालको राजनीतिमा तेस्रो स्थानमा रहेको उनको तर्क छ । उनले गठबन्धनबाट चुनाव लड्दा कसलाई कति सीट भन्ने विषयमा छलफल भइरहेको बताए । उनले ५ दलीय गठबन्धन मिलेर नै चुनाव लड्ने बताएका थिए । तर, स्थानीय तहको निर्वाचनपछि आफूहरु झस्किएको बताए । ‘का“ग्रेसका नेता मिले पनि कार्यकर्ता इमान्दारीता देखाउदैनन’ उनले भने, ‘गठबन्धन गरेर चुनाव लडीरहदा वडा तहमा मिल्न सकिएन । हामी इमान्दारपूर्वक भोट दिन्छौ का“ग्रेस दिदैन ।’ देशभरी सहमति नहुदा“ अवको निर्वाचनमा पनि के हुन्छ भनेर झस्किएको तर्क उनले राखेका थिए । उनले छोटो समयमा पार्टी राम्रो बन्दै गएको दावी गरे ।
उनले एक वर्षमा राख्ने पार्टीको वैठक पनि छिटो छिटो राख्दै कार्य समितिलाई प्रतिवेदनसमेत बुझाइसकेको बताएका थिए । उनले एमसीसीको विषयमा पनि टिप्पणी गरेका थिए । व्याख्यात्मक टिप्पणी गर्न सकिने अवस्था रहदा रहदै पनि विरोधीले विरोधको लागि मात्रै विरोध गरेको जनाए । ‘एमालेले कुनै पनि बुदा“ संशोधन नगरि पास गर्ने तयारीमा थियो’ उनले थपे, ‘हामी देशको हितमा नरहका बुदा“ सच्चाएर पास गर्ने भनेका थियौ । सोही सहमति अनुसार एमसीसी पारित भएको हो ।’ उनले देशको हित विपरीत भएमा व्याख्यात्मक टिप्पणी गरि पुनः उल्टाउन पनि सकिने बताए । नागरिकता विधेयक पारित स्वभाविक रहेको भन्दै भारतमा नेपाली चेलीले नागरिकता पाउन ७ वर्ष कुनुपर्ने भएपछि नेपालमा पनि भारतीय चेलीले ७ वर्ष नै कुनुपर्ने आफूहरुको माग रहेको अध्यक्ष नेपालको भनाई थियो । नेपालले बामपन्थी आन्दोलनलाई जोगाउने दायित्व आफूहरुको रहेको बताए । संचारकर्मीले एमालेस“गको एकता कति सम्भव छ भनेर प्रश्न गर्दा उनले एमालेले ५ जना नेतालाई देशद्धोही घोषण गरेको एमालेस“ग एकता सम्भव नरहेको बताए । उनले एमालेमा अव भविष्य नरहेको भन्दै शिक्षित नेता बेलैमा समाजवादी आउन पनि आग्रह गरेका छन् । आगामी निर्वाचनमा नेता नेपाल रौतहट या काठमाडौं कहा“बाट चुनाव लड्ने विषयमा नटुङगिसकेको भन्दै मतदाता र कार्यकर्ताको इच्छाअनुसार क्षेत्र तोक्ने बताए ।

राष्ट्रिय स्वतन्त्र पार्टीका गण्डकी प्रदेश सदस्य तथा सुचना प्रमुख बाेधराज रेग्मीले अागामी मंसिर ४ गते हुने प्रतिनिधिसभा तथा प्रदेश निर्वाचनमा देशका लागि एकमात्र विकल्प राष्ट्रिय स्वतन्त्र पार्टी रहेको वताएका छन् !
स्याङ्जा जिल्ला फेदिखाेला गाउँपालिकाकाे पार्टी कार्यालय उद्घाटन तथा भेलामा सम्बाेधन गर्दै रेग्मीले भने – ” पुराना राजनीतिक दलहरूले जनताका समस्या सुन्न खाेजेनन् ,जनतालाई हरेक कुराबाट चुसिरहे , जनताका समस्यालाई समाधान गर्ने एकमात्र पार्टी राष्ट्रिय स्वतन्त्र पार्टी हो “
सरकारमा रहेर अाफु र अाफ्ना कार्यकर्ता मात्रै साेच्ने , जनताका समस्या जस्ताको तस्तै रहेको र राष्ट्रिय स्वतन्त्र पार्टीमा कुनैपनि कार्यकर्ता तथा संगठन नहुने भन्दै अागामी निर्वाचनमा घण्टी चिन्हमा मतदान गरि पुराना दललाई पाखा लगाउँदै देशलाई परिवर्तनको दिशामा लैजान समेत अाग्रह गरे ! मंसिर ४ गतेकाे निर्वाचनपछि राष्ट्रिय स्वतन्त्र पार्टीकाेे नेतृत्वमा सरकार बन्ने र जनताका समस्या सम्बाेधन हुने समेत जिकिर गरे ! पार्टीको सदस्यता मात्रै नलिई अाफ्ना क्षेत्रमा रहेका समस्या समेत सम्पर्क कार्यालयमा लिखित रुपमा पेश गर्न अनुरोध गरे ।
कार्यक्रममा दिनेश क्षेत्री, क्या शिव बहादुर खत्री, जिल्ला सचिव रमेश पाेख्रेल, जिल्ला सभापति डिल्लीराम काेइराला, प्रदेश सदस्य विश्वास भण्डारी लगाएतले बाेलेका थिए भने पार्टीका सभापति रवि लामिछानेको भर्चुअल सम्बाेधन समेत रहेको थियोे ।
फेदिखाेला गाउँपालिकामा पुष्पराज शर्माको सभापतित्वमा गाउँपालिका समिति र विभिन्न वडासमिति चयन भएका छन् ! राष्ट्रिय स्वतन्त्र पार्टी संगठन विस्तारका लागि अहिले देश दाैडाहमा रहेको छ ।

नेपाल मुद्रण उद्योग महासंघ गण्डकी प्रदेशको टोली शुक्रबार साँझ तनहुँको पाथर्दी सामुदायिक होमस्टेमा पुगेको छ ।

आन्तरिक पर्यटन प्रवर्द्धन र संघका सदस्यबीच भाइचारा सम्बन्ध प्रगाढ बनाउने उद्देश्य अनुरुप संघको टोली तनहुँ भिमाद नगरपालिका- ९ मा चार वर्ष अघि सञ्चालित पाथर्दी सामुदायिक होमस्टे पुगेको हो ।

महासंघका महासचिव मनोहर दाहालका अनुसार टोलीले शनिबार बिहान मुद्रण उद्योग संघमा देखिएका समस्याबारे गम्भीर छलफल र मुद्रण उद्योग संघ तनहुँका टोलीको पदस्थापन गर्ने कार्यक्रम छ । टोली शनिबार नै पोखरा फर्किने कार्यक्रम रहेको उनले बताए ।

महासंघ गण्डकीका अध्यक्ष वसन्त बास्तोलाको नेतृत्वमा संघका केन्द्रीय अध्यक्ष खोमकान्त रेग्मी, महासचिव कमल पोखरेलका साथै गण्डकी प्रदेश समिति, कास्की, तनहुँसहित विभिन्न जिल्लाका प्रतिनिधि गरी ७० जनाको टोली छ ।

महासंघ गण्डकी प्रदेश सदस्य गोविन्द सिग्देल संयोजक, धनश्याम गौतम र पुनम गुरुङ सदस्य रहेको समितिको व्यवस्थापनमा टोली होमस्टे पुगेको हो ।

नेपाल मजदुर किसान पार्टी (नेमकिपा)का अध्यक्ष नारायणमान विजुक्छेले गठबन्धन गर्नुअघि घोषणपत्र सार्वजानिक गर्नुपर्ने बताएका छन् । शुक्रबार पोखरामा पत्रकारसँग भेट्दै उनले नजिकिदै गरेको प्रतिनिधिसभा र प्रदेशसभाको निर्वाचनलाई केन्द्रित गर्दै घोषणपत्र सार्वजानिक गरेपछि मात्र जनताले मताधिकारको सदुपयोग गर्न पाउने बताए । ‘घोषणपत्रमा के छ जनता स्वंम पढ्छन्’ उनले भने, ‘जनतालाई लक्षित कार्यक्रम ल्याइएको रहेछ भने सोही अनुसार मतदान गर्छन् । उनीहरुको मत नेताको लागि निर्देशन हो ।’
उनले नेपालको परिवेशमा घोषणपत्र एउटा र काम अर्को हुने गरेको बताए । जहिलै चुनावमा जनता झुक्याउने काम भएको बताउदै उनले भने, ‘नेताले भोटको लागि घोषणपत्रमा राम्रा कार्यक्रम राख्छन् । सरकारमा गएपछि जनतालाई गरेका बाचा पुरा गर्दैनन् । यसकारण पनि घोषणपत्र पहिलै सार्वजानिक हुनुपर्छ । पछि जनताले किन यो काम भएन भनेर प्रश्न गर्न सकुन् ।’ घोषणपत्रको आधारमा चुनाव लड्नुपर्ने उनको तर्क थियो । घोषणपत्रमा भ्रष्टाचारको विषय नलेख्ने तर, नेताले बढी भ्रष्टाचार गर्ने बताउदै उनले सुशासनका नारा झुटा हुन थालेको बताए । उनले सत्ता संचालनको विषय दिल्लीमा नभई जनताको माझमा छलफल गर्नुपर्ने बताएका थिए । उनले एमसीसीको विषयमा पनि विरोध गरेका छन् । अमेरिकाले तेस्रो विश्व युद्ध चाहेको बताउदै नेपाललाई युक्रेन र श्रीलंका बनाउन खोजेको उनको भनाई छ । अमेरिकाले कुनै पनि देशको आर्थिक, राजनीतिक दृष्टिकोणबाट अघि बढाउन नचाहेको बताउदै उनले इण्डियाको व्यापारयुद्धले नेपाललाई मारमा पारेको बताए ।

नेपाल विद्यार्थी संघले गण्डकी प्रदेशका मुख्यमन्त्री र भौतिक पूर्वाधार, शहरी विकास तथा यातायात व्यवस्थामन्त्री कुमार खड्काको विरुद्ध नाराजुलुस गरेको छ । सवारी साधनमा अत्याधिक कर बढाएको भन्दै आज मुख्यमन्त्रीको कार्यालय अगाडि प्रदेश सरकारको विरोध प्रर्दशन गरेको छ ।
साउनदेखि लागु हुने गरि सवारी साधनमा २५ प्रतिशतबाट ह्वात्तै २०० प्रतिशत कर बढाएको प्रदेश सरकारले सूचना प्रकाशित गरेको थियो । करबृद्दि फिर्ता गर, जरिवाना कर फिर्ता, मुख्यमन्त्री राजीनामा दे, भौतिक मन्त्री होसियार जस्ता नारा लगाएका छन् ।