Category: प्रदेश

गण्डकी प्रदेशका मुख्यमन्त्री कृष्णचन्द्र नेपाली पोखरेललाई कोरोना संक्रमण भएको छ । मंगलबार पिसिआर परीक्षण गराउँदा उनमा कोरोना पुष्टी भएको हो ।
उनलाई आाइतबारदेखि सामान्य रुघा लागेकामा साेमबार बिहानबाट हल्का ज्वरो आएको थियो । साेमबार नै उनले चिकित्सकसँग परामर्श लिएर मंगलबार बिहान स्वाब संकलन गरिएको थियो । मंगलबार साँझपख मात्र परीक्षणको रिपोर्ट आएको हो ।
चिकित्सकका अनुसार उनलाई अहिले हल्का ज्वरो आए पनि अक्सिजनको मात्रा र छातीको अवस्था सामान्य छ । बुधबार बिहान उनको थप स्वास्थ्य परीक्षण गरिने भएको छ । हाल उनी पोखरास्थित सरकारी निवासमै आराम गरिरहेका छन् ।
कोरोना संक्रमण बढेकामा सतर्क रहन आग्रह गर्दै उनले मास्क, सेनिटाइजरको प्रयोग गर्न र सामाजिक दुरी कायम गर्न अनुरोध गरेका छन् ।

पोखरा–८ न्यूरोडस्ति एनआईसी एशिया बैंको एटीएम मेसिन फोर्न खोजेको आरोपमा कास्की प्रहरीले एक जनालाई पक्राउ गरेको छ । रुकुम घर भई पोखरा–९ पृथ्वीचोक बस्ने १९ वर्षिय नरेश पुन मगर पक्राउ परेका हुन् । उनले शुक्रबार एटीएम फोर्न लागेका थिए । प्रहरीले शनिवार पक्राउ गरि आइतबार जिल्ला अदालतमा चोरी उद्योग मुद्दामा ५ दिनको म्याद थप गरि अनुसन्धान प्रकृया अगाडि बढाएको छ ।

स्याङ्जाको पुतलीबजार नगरपालिकाभित्रका ७२ जना सीमान्तकृत र विपन्न महिलालाई डाले घाँसको विरुवा वितरण गरिएको छ । युएनडिपी र पुतलीबजार नगरपालिकाको साझेदारी एवं आस्क नेपालको सहजीकरणमा सञ्चालन भैरहेको अस्थाई आधारभुत आय (टिबिआई प्रयास परियोजना अन्तरगत) बिरुवा वितरण गरिएको छ ।
नपाको आन्तरिक कोषमार्फत बाख्रा पालन सम्बन्धि प्राविधिक तालिम साथै औजार सामाग्री समेत प्राप्त गरी बाख्रा पालन व्यवसाय विस्तार गरेका ७२ जनालाई डिभिजन वन कार्यालय स्याङ्जा तथा सब डिभिजन वन कार्यालय पुतलीबजारको सहयोगमा राईखनियो, टाँकी, भट्टमासे, ईपिल ईपिल, कोईरालो लगायतका करिव २३०० बिरुवा बितरण गरिएको र यसले बाख्रा पालन व्यवसाय बिस्तार हुँदै गर्दा भविष्यमा आवस्यक पर्ने दिगो र पोषिलो आहारामा सहयोग पुग्ने विश्वास लिएको आपसी सहयोग केन्द्र स्याङ्जा नेपालका कार्यकारी निर्देशक हरीप्रसाद ढकालले जानकारी दिए ।
यसरी डालेघाँसका विरुवा प्राप्त गर्ने लगायत २९३ जना विपन्न महिला कृषकहरुलाई यस अघिनै बित्तीय तथा उद्यमशिलता साक्षरता, घरभेट र परामर्श, बाख्रा पालन सम्बन्धि प्राबिधिक तालिम, औजार सामाग्री सहयोग साथै छनौटमा परेका २०० जनालाई युएनडिपीबाट प्रतिपरिवार २७ हजार रुपैँया सोझै लाभग्राहीको बैंक खातामा उपलब्ध गराईसकिएको छ भने पुतलीबजार नगरपालिकाले २९३ जना नै विपन्न महिला घरपरिवारको १ बर्षको स्वास्थ्य विमा समेत निशुल्क गरिदिएको छ ।

स्याङ्जाको गल्याङ नगरपालिकाका पूर्वमेयर भुपराज अधिकारी पार्टीको कारबाहीमा परेका छन् । पार्टीको अन्तरसंघर्षमा सक्रिय नेकपा एमाले स्याङ्जाका नेतासमेत रहेका अधिकारीलाई जिल्ला पार्टी कार्यालय स्याङ्जाले शनिवार कारबाही गर्ने निर्णय गरेको हो ।
पार्टीभित्रका बेथिति र विसंगतिका विरुद्व सक्रिय अधिकारी पार्टीभित्र निति र विधि बसाल्न सक्रिय नेताको रुपमा चिनिन्थे । उनलाई गत बैशाखमा सम्पन्न स्थानीय तहको निर्वाचनमा पार्टीका उम्मेदवारलाई असहयोग गरेको आरोपमा छ । तत्कालिन प्रधानमन्त्री केपी शर्मा ओलीले दुइ पटक संसद विघटन गर्दा त्यसको विपक्षमा उभिएका अधिकारी पार्टी विभाजन पछि पनि अन्तरसंघर्ष कायमै राख्दै एमालेमा रहेका थिए । संविधान र विधि विपरित कोही पनि जान नहुने मान्यता राख्ने अधिकारी पार्टी विभाजन गर्नु उचित नहुने भन्दै एमालेमा नै रहे ।
पार्टी विभाजनले कसैलाई फाइदा नहुने बरु पार्टीभित्रै बसेर खराब कुराहरुको भण्डाफोर गर्दै विधिमा पार्टीलाई लैजानुपर्ने बताउँदै आएका अधिकारी कारवाहीमा परेपछि स्याङ्जा एमालेका इमान्दार कार्यकर्ताहरु आक्रोशित बनेका छन् । अधिकारीलाई पदिय जिम्मेवारीबाट ६ महिनाका लागि निलम्वन गरिएको जिल्ला अध्यक्ष सुर्यप्रसाद गैह्रे (पारस)ले जारी गरेको विज्ञप्तिमा जनाइएको छ । गत निर्वाचनमा पार्टीबाट गैह्रेलाई नै गल्याङ नगरपालिकाको नगरप्रमुखमा उम्मेद्वार बनाउने निर्णय भएपछि पनि अधिकारीले सार्वजनिक कार्यक्रमहरुमा सातै सुर्य चिन्हमा भोट हाल्न पार्टी पङ्तीलाई आग्रह गरेका थिए । तर गैह्रे निर्वाचनमा पराजित भएपछि अधिकारीबाट अन्तरघात भएको आरोप लगाइएको हो ।
पार्टीमा अन्तरसंघर्ष भई विभाजनको संघारमा हुँदा एमालेकै केही नेताहरुले अधिकारी समाजवादीमा जाने अड्कल काटेका थिए । समाजवादीमा गएको भए पुनः नगरप्रमुखमा विजयी हुने सुनिश्चित हुने भए पनि अधिकारीले पार्टी विभाजन गर्न नहुने भन्दै एमालेमा बसिरहे । गठबन्धनमा रहेका दलहरुले जहाँ जसले जितेको छ, त्यहाँ अर्को पार्टीले उम्मेद्वार नदिने गठबन्धन दलहरुबीच सहमति भएको थियो । जस अनुसार गल्याङ नगरपालिकामा समाजवादीबाट भुपराज अधिकारी उम्मेद्वार भएको भए नेपाली काङ्ग्रेस तथा माओवादी केन्द्रको उम्मेद्वार नै नभई उनले सजिलै जित्ने आधार बन्ने विश्लेषकहरु बताउँछन् । तर, एमाले जोगाउन भन्दै एमालेमा नै रहेका र खराब प्रवृत्तिको विरोध जारी राखेका अधिकारी अहिले भने कारवाहीमा परेका छन् ।
अधिकारी कारवाहीमा परेपछि सामाजिक सञ्जालहरुमा स्याङ्जामा एमालेलाई थप संकट पर्ने भन्दै धेरै एमाले कार्यकर्ताहरुले नै चिन्ता व्यक्त गरेका छन् । कारवाहीमा परेका अधिकारीले भने यसबारेमा कुनै प्रतिक्रिया दिएका छैनन् । ‘अहिले म यस विषयमा केही भन्न चाहान्न’ उनले भने । कृषि, खानेपानी, स्वास्थ्य पूर्वाधार लगायतका क्षेत्रमा अधिकारीले गल्याङ नगरप्रमुख हुँदा गरेको कार्यले उनी गल्याङवासीबाट रुचाइएका नेतामा पर्छन् ।

ब्यवस्थापन केन्द्र बनेर ब्यवपस्थित हुन नसकेको अर्जुन चौपारी गाउँपालिका बजारको फोहोर ब्यवस्थापनमा युवाले चाँसो देखाएका छन् । एक बर्ष पहिला ७५ लाखको लागतमा फोहोर ब्यवस्थापन केन्द्र बनेपनि बजारमा संकलन भएको फोहोर केन्द्र बाहिर र सडकमाा फालिएको थियो ।
पुरानो जनप्रतिनिधीले टोल टोलमा एक ट्याक्टरको ५० प्रतिशत आर्थात दुई हजार दिने गरी छ महिना पहिला ब्यवस्थापन केन्द्रमा फाल्ने सम्झौता भएको थियो । सम्झौता अनुसार फोहोर ब्यवस्थापन हुनुपर्नेमा बाटो र केन्द्र बाहिर सयौ ट्याक्टर फोहोर फालिएपछि स्थानियले जनप्रतिनिधीलाई बिरोध गरेपछि पालिकासगँ समन्वय गर्दै ब्यवस्थापन गरेको युवा नरेश रोकाले बताए ।
समस्याको निराकरण गर्ने भन्दा पनि सामाजिक संजाल मार्फत दोषारोपण मात्रै गर्ने ब्यबहार देखिएपछि युवाहरु पुगेर ब्यवस्थापन गरेको रोकाले बताए । वडा अध्यक्ष, स्थानिय १५ जना युवाले डोजरको प्रयोग गरेर अब्यवस्थित ढंगले फालेको फोहोर ब्यवस्थापन गरिएको हो । सोच बदलौ, समाज बदलौ, जागौ उठौ युवा भन्ने नारा लिएर अर्जुनचौपारी गाउँपालिकालाई फरक शैलीबाट बिकासको बाटोमा लान उर्जा थप्ने हेतुले फोहोरको ब्यवस्थापन गरेको रोकाले बताए ।
युवाहरुको टोलीले जल्ने फोहोलाई जलाएर र सिसालाई डोजरको माध्यमबाट खाडल खनेर छ घण्टाको प्रयासमा ब्यवस्थापन गरेको हो । तत्कालका लागि समस्या निराकरणका गर्न युवाको प्रयासलाई धन्यबाद दिदै पालिका अध्यक्ष प्रकाश तिवारीले दिर्घकालिन रुपमा फोहोर ब्यबस्थापनमा पालिकाले फरक शैली बनाएको बताए । कुहिने र नकुने छुट्टाएर फोहोरको छुट्टाएर मात्र संकलन हुने बताउदै तिवारीले तिवारीले नकुहिने सिसालाई फरक संकलन गरिने बताए ।
लाखौ खर्च गरेर निर्माण भएको फोहोर ब्यवस्थापन केन्द्र प्रयोगमा आउने बताउँदै तिवारीले युवाकै माध्यमबाट फोहोरलाई आर्थिक आर्जन गर्ने बताए । फोहोर ब्यबस्थापनको जिम्मा लिएर सम्बन्धित ठाउँमा नपुराई बाटो र सडकको छेउछाउमा लगेर फालिएको र सम्बन्धित ठाउँमा नपुराई छाड्ने साधनको सम्झौता रकम पालिकाले रोक्का समेत गरेको प्रमुख प्रसासकिय अधिकृत उज्वल बस्नेतले बताए ।