राष्ट्रिय स्वतन्त्र पार्टीका सभापति रवि लामिछानेले देश रास्वपाको हातमा सुरक्षित रहेको बताएका छन् ।चितवनमा जारी रास्वपाको प्रथम महाधिवेशनको उद्घाटन सत्रमा लामिछानेले उक्त धारणा राखेका हुन् ।
रविले सम्बोधनको क्रममा भने, ‘मञ्चमा उपस्थित तमाम राजनीतिक दलका शीर्षस्थ महानुभावहरुलाई साक्षी राखेर भन्न चाहन्छु । यहाँहरु निर्धक्क हुनुहोला, देश रास्वपाको हातमा छ । देश सुरक्षित छ । लोकतन्त्रका स्थायी मान्यताहरु, शक्ति पृथकीकरणका मान्यताहरु, संघीय लोकतान्त्रिक गणतन्त्र, नागरिक हक अधिकार, मानव अधिकारको प्रत्याभूति समतामूलक समाज, समावेशितालगायतका थुप्रै उपहार हामीलाई अघिल्लो पुस्ताले र तपाईंहरुजस्ता मूर्धन्य नेतृत्वले दिनुभएको अमूल्य उपहार हो । हामी त्यसको जगेर्ना गरेनछौं । त्यसबाट बाहिर जाने छैनौं ।
यसअगाडि भएका तमाम आन्दोलनको तिरस्कार गर्ने साहस हामीमा हुने छैन । त्यो कदम कदाबी चाल्ने छैनौं । म यहाँहरुलाई निर्धक्क हुनका लागि अनुरोध गर्न चाहन्छौं ।’ ‘यसअगाडि भएका तमाम आन्दोलनको तिरस्कार गर्ने साहस हामीमा हुने छैन,’ रविले सम्बोधनमा भने, ‘म यहाँहरुलाई निर्धक्क हुनका लागि अनुरोध गर्न चाहन्छौं ।’
