प्रधानमन्त्री वालेन शाहले मन्त्रालय पुनःसंरचनाका लागि गठन गरेको समितिले संघीय सरकारका मन्त्रालय संख्या घटाउने प्रस्ताव अघि सारेका छन् । हाल कायम २१ वटा मन्त्रालयमध्ये चार मन्त्रालय कटौती गर्दै कुल संख्या १७ मा सीमित गर्न सुझाव दिएको हो ।
समितिले प्रशासनिक खर्च घटाउने, कार्यसम्पादनलाई प्रभावकारी बनाउने तथा दोहोरो जिम्मेवारी हटाउने उद्देश्यसहित यस्तो प्रस्ताव तयार पारेको जनाएको छ । मन्त्रालयको संख्या घटाउँदा निर्णय प्रक्रिया छरितो हुने र सरकारी संयन्त्र चुस्त बन्ने विश्वास गरिएको छ।
प्रस्तावबारे सरकारभित्र छलफल भइरहेको जनाइएको छ भने यसलाई कार्यान्वयनमा लैजाने विषयमा थप अध्ययन र राजनीतिक सहमति आवश्यक पर्ने देखिएको छ ।
